Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Каләм очындагы сәнгать

Каләм очындагы сәнгать
12.05.2015 / Дөнья бу...

Каләм очындагы сәнгатьРәссам-фрилансер Салават Фидаи чын мәгънәсендә нечкә эшләр башкара.

Николай Лесковның “Сулагай” әсәрен хәтерлисездер... Император Александр Павловичка инглизләр корычтан ясалган кечкенә борча биреп җибәргәч, Тула осталары, шул борчаны дагалап, инглизләрне шаккатыра. Әйе, осталык белән сабырлыкны таләп итә торган эш бу!
Салават Фидаи борчага дага ясамаган, әмма аның эшләре дә аннан ким түгел! Аларны бөтен дөнья коллекционерлары сатып ала, социаль челтәрдә 50 мең кешене туплаган ул. Әмма аны Башкортстанда танылган рәссам дип әйтергә иртәрәк. Узган елда гына ул зур бер юридик компания җитәкчесе була, әмма бер мизгелдә бөтен эшен ташлап, иҗат белән генә шөгыльләнә башлый.
Бүген Европа музейлары Салават Фидаиның эшләрен югары бәяли. Бер эшен Германиядәге “Звездные воины” музее сатып алган.


— Салават әфәнде, кинәт кенә, җитди эше­гездән баш тартып, иҗат дәрьясына чумгансыз. Бу адымга Сезне нәрсә этәрде?

— Барысын да аңлатып бирер өчен, кыскача биографиямне сөйләп үтим әле. Мин Иглин районының Красный Восход авылында дөнь­яга килгәнмен. Әтием мөм­кинлекләре чикле балалар мәктәбендә — директор, ә әнием шунда ук рәсем укытучысы иде. Алар икесе дә һөнәрләре буенча рәссам, бү­ген­ге көндә хаклы ялдалар. Сәнгатькә мәхәббәт миңа алардан күчкән. Кызганычка каршы, мәктәп тәмам­ла­ганнан соң, сәнгать-графика факультетына имтиханнарны уңышсыз тапшырдым. Кәе­фем төшеп, башка өлкәдә белем алырга булдым, нә­тиҗәдә, хокук белгече дипломы алдым.
Узган ел ахырында гына иҗатка тотындым һәм быелдан гына җитди картиналар өстендә эшлим. Моңа нәрсә сәбәпче булды? Гаиләм белән сыйныфташыма кунакка бардык. Күптән күреш­мәгәч, ул тәүдә минем кайда эшләвем белән кызыксынды. Рәсем белән шөгыльләнмә­вемне ишеткәч, ул шаккатты. “Ничек инде? Син бит тумыштан рәссам! Сыйныфташлар белән синең талантыңа һәрчак соклана идек”, — диде ул.
Мин уйландым. Өйгә кайттым да, каләм белән кәгазь алып, шундук рәсем ясарга тотындым. Икенче көнне кибеттән буяулар сатып алдым. Эшне импрессионизм, постимпрессионизм юнә­лешендә башладым.
Беркөнне күзем шырпы кабына төште: ул шулкадәр төссез һәм ямьсез иде. Элегрәк, Совет чорында анда һәрвакыт билгеле шәхеснең портреты, һәйкәлләр, табигать рәсеме урын ала иде. Матур каплар коллекциясен дә җыя идек әле. Шулвакыт: “Ник шырпы кабын би­зәмәскә?” — дигән уй килде. Тәүдә Ван Гог портретын ясадым. Кызып китеп, көн эчендә берничә шырпы кабын матурладым. Ә арытаба көн­багыш, кабак төше, хәтта дөге ярмасына рәсем ясап карадым.

— Бу кадәр вак, неч­кә эш белән шө­гыль­ләнү күпме вакытыгызны ала?

— Каләм графитындагы скульптураларга якынча 5-6 сәгать кирәк. Ике көн утырган чаклар да була. Вак де­таль­ләр белән эшләгәч, күз тиз арый, шуңа күрә вакытында ял да таләп ителә.

— Иҗат кешесеннән илһамны каян аласыз дип сорамый калып булмый?

— Төрлечә. Яңа фильм, картиналар карау, җыр тың­лау да яңа эшләргә этәргеч була ала. Каләм очына сыннар ясауга заманча персонажлар, мультфильм геройлары илһамландыра.

— Киләчәккә планнарыгыз нинди?

— Каләм графиты белән эшне камилләштереп дәвам итәргә иде. Шырпы кабындагы рәсемнәр аеруча популяр, алар өстендә җитди эшләргә җыенам. Хыялда йөргән уй — инсталляция эшләп карау, аңа да вакыт бүләчәкмен.
Балаларымны үстерү, кеше итү дә, әлбәттә, планнарыма керә. Өч балам да рәсемгә оста. Бу өлкәдә уңыш казаначакларына, мине дә узып китәчәкләренә ышанам.

— Яраткан шөгыле­гез рухи азык булудан тыш, матди байлык чыганагымы?

— Әйе, эшләремне сатып алучылар тулысынча чит ил кешеләре дисәм, ялгышмам. Һәрдаим кызыксынып, кү­ңеленә хуш килгән эшләрне сатып алалар, заказ бирәләр. Әлбәттә, төп керемне интернет-кибет бирә. Аллаһка шө­кер, эшләрем киштәдә тузанланып ятмый.
Эшләремне тәкъдим итү өчен, аларга фотосессия эшләргә кирәк. Вак эшләрне төшерер өчен махсус макрообъектив кулланам. Килә­чәктә күр­гәзмә оештырырга исәп бар, әлегә эшлә­ремнең фото­су­рә­тен социаль челтәр­гә кую белән чик­ләнәм. Иҗатыма битараф булмаганнар өчен эш барышын ви­деотасмага төшерәм, аларны яратып карыйлар. Миңа калса, мондый вак эшнең ничек башкарылуы күпләрне кызыксындыра.

— Сезнеңчә иҗат кешесенең тормыш кредосы нинди булырга тиеш?

— Эшем сатылыр микән, нинди хакка, дигән уй бө­тенләй башта булырга тиеш түгел. Бөтен игътиба­р башкарыласы эшкә юнәл­телергә тиеш. Кыскасы, күңел биреп, эшләргә дә эшләргә кирәк!





Басып чыгарырга



  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Бүләккә- чәчәк гафу ителәчәк
Сегодня, 20:10 :: Көнүзәк
Бүләккә- чәчәк гафу ителәчәк
Азат Абитов:
Сегодня, 19:22 :: Мәдәният һәм сәнгать
Азат Абитов: "Йөрәгем әлегә бикле"
Камелия - дөнья чемпионы!
Сегодня, 15:02 :: Спорт
Камелия - дөнья чемпионы!
Яңа елда – яңа түләүләр!
Сегодня, 14:31 :: Яңалыклар
Яңа елда – яңа түләүләр!
Бүген — Кеше хокукларын яклау көне
Сегодня, 13:49 :: Җәмгыять
Бүген — Кеше хокукларын яклау көне








Новости русской версии сайта

Яңа номер

143 (25297) от 11 декабря 2018


Игътибар итегез

sendmail

Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Антитеррор

Антитеррор




Рубрикалар




Материаллар архивы












Печать книг

Безнең иске сайтыбыз

Филиалы ГУП РБ ИД
«Республика Башкортостан»