Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Мин дә карар иттем әле шул шахтердан калмаска!

Мин дә карар иттем әле шул шахтердан калмаска!
29.10.2015 / Дөнья бу...

Мин дә карар иттем әле шул шахтердан калмаска!Моннан ярты гасыр элек Донбассны дер селкетеп күмер кискән ир-узаманның йөрәге бүген шул төбәк өчен әрни.

Донбасста ул артык озак булмый, әмма әлеге шахталар төбәге, үзенең шунда эшкә баруы язмышында хәлиткеч роль уйнады дип исәпли.
Марат абый һәм аның хатыны Миңнесабира апа белән мин яңарак район Мәдәният сараенда узган тантаналы чарада таныштым. Аларны, бөтен халык алдына чакырып чыгарып, законлы никахларының алтын юбилее белән котладылар, республика җитәкчесенең Котлау хатын һәм истәлекле бүләген тапшырдылар. Быел 75 яшьләрен тутырган юбилярлар, туй табынында утыргандай, шатлыктанмы, дулкынлануданмы, бераз кыенсына иде. Халык аларны ихлас алкышларга күмде. Ә инде сәхнәгә бер кочак чәчәкләр бәйләме кысып тоткан җитез һәм сөйкемле малай йөгереп менгәч, зал кул чабулардан шартлагандай булды. Яраткан оныкларының берсе Рушанны күргәч, юбилярларның да йөзе ачылып, кояштай балкып китте.


...Менә шундый бик тә бәхетле минутлар җиткәнче зур гомер юлы үтәргә, шатлыгын да, кайгы-хәсрәтен дә үткәрергә туры килә Ибраһимов­ларга. Кавказ арты хәрби округында солдат хезмәтен тәмамлаган Марат Донбасска комсомол юлламасы буенча бара. Туган авылына буш солдат капчыгы тотып түгел, акча тутырып кайтасы, кайту белән кәләш аласы, яңа өй саласы килә егетнең.
— Авылда олыгаеп килүче әти-әнине карар кеше булса, шахтада тагын бераз эшләр идем әле, әмма төпчек энемне армиягә алгач, авылга “капчыгым акча белән тулыр-тулмастан” кайтырга, энекәш кайтканчы төп йортта калырга туры килде, — дип елмая Марат Юныс улы.
Капчыгы тулмаса да, авыл тормышын күзаллап корган планнары тула аның. Армиядән соң барлык туган-тумачаны күреп чыгу гадәте бар бит. Марат армиядә өч елдан артык йөргән арада Мәүлиха апасы күрше Бишбүләк районының Качкын авылы егетенә кияүгә чыгып өлгергән була. Менә шул Качкынга баргач очрата да инде үзенең булачак гомерлек ярын кичәге солдат һәм шахтер. “Донбасстан кайткан!”, “Шахтер егет!” — Бу тылсымлы сүзләр кайсы гына кызның күңелен җилкетмәде икән ул чорда!
“Китә казлар, китә казлар,
Китә казлар Донбасска.
Мин дә уйлап торам әле
Шул казлардан калмаска...”
Ул заманнарда телдән төшмәгән “Шахта” җырын җырлап, шахтер егетен уйлап, күз яшьләрен мендәргә сыккан кызлар аз булмагандыр. “Мәүлиха җиңгинең хәлен белергә шахтер энесе килгән икән!” — дигән хәбәрдән күрше кызы Миңнеса­бираның да йөрәге ыргып чыгардай булып тибә башлый. Ә инде авыр атлетика белән шөгыль­ләнгән, центнер ярымлы штанганы “Эһ!” тә итми баш очына чөйгән баһа-дирны үз күзләре белән күргәч, елмаюы йөзеннән китмәгән егетнең үзенә төбәлгән сөю тулы карашын тойгач, Миңнесабирага ике уйларга урын калмый.
Матур яши алар, мәхәббәтле яши. Шул мәхәббәт җимеше булып өч кыз, ике ул туа. Кызлары Зөлфия, Зәлифә һәм Зәлия — барысы да югары белемле педагоглар. Уллары тракторчы һөнәрен үз итә. Бүген өлкән уллары Фәрит белән бер йортта бик тату яшәп яталар. Оныкларга сөенеп, аларны тәрбияләшеп. Кызганычка каршы, икенче уллары Самат, яшьли авариягә тарып, беренче группа инвалид булып кала. Аның өчен ут йотулар аз булмый, әлбәттә. Анысын ата-ана үзе генә белә. Самат сынатмый, язмышына уфтанмыйча, якыннарына авырлык салмыйча яшәргә тырыша, үзенә файдалы шөгыльләрен дә табып тора. Туган-нарының балаларына күз-колак булуы гына да зур файда. Ә “күз-колакка” мохтаҗ “бәләкәй халык” күп кенә, ел саен артып торалар — Миңнесабира һәм Марат Ибраһимов-ларның 11 оныгы, дүрт туруны бар бүген.
...Алтын туйларын бәйрәм итүче парларга сокланырга һәм алардан үрнәк алырга гына кала. Нәкъ Котлау хатында язылганча, алтын парлар — алар ил терәге, ныклы гаилә — дөнья тоткасы.





Басып чыгарырга



  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Путин 2023 елны Музыка елы дип игълан итүне хуплады
Сегодня, 09:42 :: Мәдәният һәм сәнгать
Путин 2023 елны Музыка елы дип игълан итүне хуплады
“Безне төрмәдән чыгармагыз!”
Сегодня, 09:26 :: Җәмгыять
“Безне төрмәдән чыгармагыз!”
Яңа 2019 елга йолдызнамә
Сегодня, 08:54 :: Кызыклы яңалыклар
Яңа 2019 елга йолдызнамә
Төркиядән кайгылы хәбәр
Сегодня, 08:46 :: Милләт
Төркиядән кайгылы хәбәр
Сәхнәдә - «Алтын ачкыч – Remake»
Сегодня, 08:23 :: Мәдәният һәм сәнгать
Сәхнәдә - «Алтын ачкыч – Remake»








Новости русской версии сайта

Яңа номер

145 (25299) от 14 декабря 2018


Игътибар итегез

sendmail

Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Антитеррор

Антитеррор




Рубрикалар




Материаллар архивы












Печать книг

Безнең иске сайтыбыз

Филиалы ГУП РБ ИД
«Республика Башкортостан»