Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » “Чәчкәләр уяныр”

“Чәчкәләр уяныр”
10.11.2015 / Мәдәният һәм сәнгать

“Чәчкәләр уяныр”Благовар районында Рим Хәсәнов җырларын башкаручылар бәйгесе зур уңыш белән үтте.

Республикада соңгы чорда, күренекле сәнгать әһелләренең иҗатына багышлап, аларның туган төбәкләрендә фестиваль-конкурслар үткәрү матур гадәткә әверелеп бара. Мәсәлән, татар-башкорт сәхнә йолдызлары Фәридә Кудашева һәм Бәхти Гайсин истәлегенә мондый чара Чишмә һәм Авыргазы районнарында быел икенче тапкыр оештырылды. Башкортстанның атказанган сәнгать эшлеклесе, Татарстанның Габдулла Тукай исемендәге дәүләт премиясе лауреаты, мәшһүр композитор Рим Хәсәнов җырларын башкаручы һөнәри әзерлекле җырчылар һәм үзешчән сәнгать осталары исә җыр-моң бәйгесенә Благовар районына җыелды.


Булачак композитор район үзәге Языково авылында 1947 елның 9 мартында туган. Балачагы, үсмер еллары монда үтә, аннан соңгы тормыш юлы, нигездә, Уфа белән бәйле.

— Һөнәри эшчәнлегемә бәйле, гомерем чит тарафларда үтсә дә, туган якны сагыну тойгысы язмышымда даими юлдаш булды, — диде якташларын тәбрикләү чыгышында Рим Мәхмүт улы. — Алай гына да түгел, бу тойгы иҗатыма да илһам бирде, сагыну хисләре җырларымда да чагылыш тапкандыр. Языковода 15 елдан артык булганым юк иде, авыл зур үзгәрешләр кичергән, матурланып күр­кәмләнгән. Хәзер инде аның югары дәрәҗәдәге чараларны да кабул итәргә лаек район үзәгенә әверелүе куандыра.

“Чәчкәләр уяныр”Рим Хәсәнов иҗат иткән җырларны башкаручыларның республика ачык фестиваль-конкурсы “Чәчкәләр уяныр” дип атала. Асылына ярашлы, аның төп максаты итеп күренекле композитор җырлары аша татар-башкорт җыр сәнгатен популярлаштыру, аңа сәләтле яшьләрне җәлеп итү бил­геләнгән. Бу җәһәттән республика күләмендәге чара максатына иреште, дип һич икеләнми әйтергә мөмкин. Җыр бәй­гесендә Баш­корт­станның көньяк-көнбатыш төбә­гендәге 10 районыннан килгән 7 иҗади коллектив һәм утыздан артык һәвәскәр җырчы осталыкта көч сынашты. Аларга һө­нәри яктан бә­һане билгеле сәнгать әһелләре: танылган җыр­чылар — Светлана Аргынбаева һәм Рөстәм Асаев, Заһир Исмәгыйлев исе­мендәге Уфа сән­гать академиясе доценты Светлана Сләгузова, Благовар районы сәнгать мәктәбе җитәкчесе Эльза Осипова бирде.

Фестиваль ике турда үтте, сайлап алу бүлегендә, мәсәлән, вокал ансамбльләр һәм солистлар Рим Хәсәнов язган икешәр җырны башкарды. Моннан тыш, яшь һәм өлкән буын башкаручыларның чыгышлары аерым бәһаләнде.
Җыр бәйгесенең Гала-концерт рәвешендә үткән икенче туры, чын мәгьнәсендә, Рим Хәсәнов җырларының матур балкышы булды. Бу җәһәттән шуны да билгеләп үтү урынлы: композиторның элегрәк иҗат ителгән җырлары бүген дә башкаручыларны ихласлыгы белән җәлеп итә, шуңа да халык аларны онытмаган, ки­ресенчә, күп җырлар хәзер инде халыклашып киткән. Әйткәндәй, Рим Хәсәнов фестивальгә махсус күчтәнәч белән килгән: ул яңа гына иҗат иткән “Языково өстендә ап-ак томан” җырын башкарды.

“Чәчкәләр уяныр”Фестиваль-конкурста Гран-при Языково мәктәбе укучысы Илшат Гыйльвановка тапшырылды. Әйтергә кирәк, сәләтле яшь җырчы гаять актив иҗади тормыш белән яши, ул моңарчы да яшь башкару­чыларның республика, Русия күләмендәге бәйгеләрендә җиңүче булып таныл­ган. Иҗади коллективлар арасында җиңүче булып Чишмә районының вокал ансамбле танылды, махсус бүләкне композитор үзе тапшырды.

Киләчәктә Рим Хәсәнов җырларын башкаручылар фестивале даимигә әвереләчәк һәм аның чираттагысын 2017 елда үткәрү планлаштырыла.






Басып чыгарырга


  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Язмаган шигырен дә укучылар булган...
Сегодня, 13:10 :: Мәдәният һәм сәнгать
Язмаган шигырен дә укучылар булган...
Лыгырдама инде, пажалысты!..
Сегодня, 12:18 :: Яңалыклар
Лыгырдама инде, пажалысты!..
Торак төзү артачак
Сегодня, 11:52 :: Сәясәт
Торак төзү артачак
Исемлекне ашап котылырга уйлаган
Сегодня, 11:52 :: Җәмгыять
Исемлекне ашап котылырга уйлаган




Новости русской версии сайта



Яңа номер

20 (25324) от 19 февраля 2019


Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Игътибар итегез

Журнал Тулпар

Антитеррор




Рубрикалар




Материаллар архивы










Печать книг

Безнең иске сайтыбыз

Филиалы ГУП РБ ИД
«Республика Башкортостан»