Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Обама да “Кызыл таң” укый!

Обама да “Кызыл таң” укый!
31.10.2015 / Төрлесеннән

Обама да  “Кызыл таң” укый!Ә сез АКШ Конгрессы китапханәсе элек-электән алдырган абруйлы басмабызга язылдыгызмы әле?

Бөек Җиңүнең 70 еллыгына багышлап, “Кызыл таң” гәзите редакциясе Башкортстанның журналистика ветераннары, республика журналистларының төньяк һәм төньяк-көнбатыш районара иҗади берләшмәләре белән берлектә “Корал һәм каләм белән” дип аталган марафон оештырган иде. Аның соңгы этабында катнашучылар барлык ил җитәкчеләре, халык­ара оешмалар, журналистлар, фәнни берләшмәләр, дөнья мәдәнияте эшлеклеләренә, Икенче Бөтендөнья сугышы тарихын, фашизмны берлектә җиңүебезне, безнең тыныч һәм имин киләчәк өчен үзләренең гомерен аямаган өлкән буын турындагы хәтерне сакларга чакырып, Мөрәҗәгать кабул итте. Ул Америка һәм Европа илләренең Мәскәүдәге Илчелекләренә дә җибәрелде.


Менә шуннан башланды да инде. Гадәттә, андый Мөрәҗәгатьләрне алучылар укып чыгып, “Ай маладислар! Дөрес эшлиләр, шулай кирәк, без дә бу эшкә кушылабыз, тынычлыкны яклыйбыз”, дигәнрәк уйлар белән бер папкасына салып куя. Юлламаны алдымы-юкмы, бу уңайдан ни дә булса эшләндеме, ләм-мим. Хәер, мин нәрсә турында сөйләп торам. Тиешле органнардан гәзиткә юлланган шикаятьләргә җавап алу да сирәк күренеш бит хәзер. Югыйсә, җавап бер айда бирелергә тиеш дигән закон булса да. Әлбәттә, моны тиешенчә үтәүчеләр дә бар, әмма кайчак үзебез кат-кат шалтыратып, җавапны юллап алырга туры килә.

Ә менә Америка Илчелеге безнең Мөрә­җәгатьне алу белән тиз арада Вашингтонга җибәргән. Мөбәрак Хөсәен улы аның белән һич кичектермичә танышып чыккан дип уйларга да нигез бар. Чөнки шул көннән башлап безнең электрон почтабызга көн дә Америкадан хат килә башлады. Редакция­бездә инглиз телен Обама дәрәҗәсендә үк белү­челәр сирәк, шулай да аны тәрҗемә итү җаен таптык һәм, аңлавыбызча, АКШ Президенты кичәге көне ничек үтүе, дөнья кыйтгаларында тынычлык урнаш­тыруга нинди өлеш кертүе турында көн саен безнең алда отчет тота. Димәк, 2009 елның ок­тябрен­дә Барак Обаманың “Халыкара дипломатияне һәм халыклар арасында хезмәт­тәшлекне ныгытуга зур көч салган өчен” дигән сүзләр белән тынычлык өчен Нобель премиясе алуы юкка булмаган икән, дип уйларга нигез бар кебек.

Шул ел башында АКШ Президенты вазыйфасын үти башлаганда ул элекке бер яклы тышкы сәясәттән баш тартачагын, Аме­риканың гына түгел, дөньяның бөтен илләре мәнфәгатьләре турында хәстәрлек күрәчәген белдергән иде. Өстәвенә, Иран белән сөйләшүләргә әзер булуын әйтеп, Гыйрактан Америка гаскәрләрен чыгарачагы турында вәгъдә иткән иде. Әмма...

Ләкин ике ел элек Нобель комитеты Обамадан тынычлык премиясен кире кайтаруны таләп итте. Якын Көнчыгышта алып барган сугыш хәрәкәтләре, Әфганстанны, Ливияне, Гыйракны бомбага тотуы, Гуантанамодагы тоткыннар базасын ябу вәгъдәсен үтәмәве, тагын әллә нинди кыланышлары өчен аны “канлы сәясәтче” дип атадылар. Кыскасы, аның 2009 елдагы хәрби конфликтларны дипломатик юл белән хәл итү һәм атом-төш коралына урын булмаган дөнья төзү турындагы сүзләре буш булып чыкты.

Әллә шушы премияне кире кайтармас өчен ул хәзер көн дә тынычлыкка керткән өлеше (ул өлеш булмаса да) турында отчет бирә микән? “Кызыл таң” бөтен дөньяны кыр­мыска оясына таяк тыгып болгаткан кебек бутап яткан “канлы сәясәтче”гә бик ышанмаса да, Ак йортның безнең мөрәҗә­гатебезне игътибарсыз калдырмавына соклану белдерә. Кем белә, бүгенге хәлебезгә битараф булмаган башка оешмалар да Америкага шундый хатлар юлласа, бәлки, ул акылга утырыр, үзен дөнья кендеге итеп санаудан, океан артындагы илләр сәясәтенә тыкшынудан туктап, ниһаять, үзе дә тынычланыр һәм безгә дә тынычлыкта яшәргә мөмкинлек бирер иде.





Басып чыгарырга



  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Путин 2023 елны Музыка елы дип игълан итүне хуплады
Сегодня, 09:42 :: Мәдәният һәм сәнгать
Путин 2023 елны Музыка елы дип игълан итүне хуплады
“Безне төрмәдән чыгармагыз!”
Сегодня, 09:26 :: Җәмгыять
“Безне төрмәдән чыгармагыз!”
Яңа 2019 елга йолдызнамә
Сегодня, 08:54 :: Кызыклы яңалыклар
Яңа 2019 елга йолдызнамә
Төркиядән кайгылы хәбәр
Сегодня, 08:46 :: Милләт
Төркиядән кайгылы хәбәр
Сәхнәдә - «Алтын ачкыч – Remake»
Сегодня, 08:23 :: Мәдәният һәм сәнгать
Сәхнәдә - «Алтын ачкыч – Remake»
Кремль музейлары һәм Корал палатасы хазинәсе – Уфада
Сегодня, 08:13 :: Мәдәният һәм сәнгать
Кремль музейлары һәм Корал палатасы хазинәсе – Уфада








Новости русской версии сайта

Яңа номер

145 (25299) от 14 декабря 2018


Игътибар итегез

sendmail

Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF


Журнал Тулпар

Антитеррор

Антитеррор




Рубрикалар




Материаллар архивы












Печать книг

Безнең иске сайтыбыз

Филиалы ГУП РБ ИД
«Республика Башкортостан»