Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Шагыйрь гомере — халыкта

Шагыйрь гомере — халыкта
08.10.2015 / Рухият

Шагыйрь гомере — халыктаӘдәби марафонда шушы фикер кызыл җеп булып үтте.

Республика буйлап атлаган Әдәби марафон Краснокамага да килеп җитте, район эстафетаны Нефтекама шәһәреннән кабул итеп алды. Әлеге тантаналарда башкаладан килгән мәртәбәле делегация катнашты. Шагыйрь Радик Хәкимҗанов, республика Милли әдәби музееның өлкән гыйльми хезмәткәре Регина Фазылова, Әхмәтзәки Вәлиди исемендәге Милли китапханәнең матбугат хезмәткәре Марина Чепиковадан торган әдәби делегацияне язучы-сатирик Марсель Сәлимов җитәкләде.


Бәйрәмнең беренче өлеше “Кама таңнары” район гәзите редакциясендә үтте. Нефтекама шәһәре хакимиятенең мәдәният бүлеге җи­тәк­чесе Ирина Әхмәдишина Әдәбият елының символы — Китапны тантаналы рә­вештә Краснокама районына тапшырды.
— Нефтекамада әлеге марафон бик эшлекле төстә үтте, аның файдасы зур булды. Краснокама җирендә дә ма­рафонның уңышлы үтүен телим, — диде ул. Китапны район хакимиятенең мәдәният бүлеге мөдире Лира Мостаева кабул итеп алды.
Редакциядә районның яшь шагыйрьләре Гөлнара Гомә­рова һәм Гөлназ Гафарованың шигырьләрен анализлау булды. Шагыйрь Радик Хәким­җанов эшләрне җентекле тикшереп, аларга бәя бирде, кимчелекләрен атады, уңыш­лы табышлары өчен мактады һәм иҗади уңышлар теләде.
Гөлнара белән Гөлназ­ның каләм тибрәтүенә шактый инде. Алар икесе дә мәктәптә эшли, балаларга татар телен өйрәтә. Иҗат итәргә дә вакыт таба. Гөлнара Го­мәрова — Иске Мошты авылы кызы.
М. Акмулла исемендәге Башкортстан дәүләт педагогия университетының филология факультетын тәмамлаган. Озак еллар “Кама таңнары” гәзи­тендә эшләде, ялкынланып язды, каләме һәрчак үткен булды. Моннан берничә ел элек Яңа Кабан авылына килен булып төшеп, шунда төпләнде, бүгенге көндә мәк­тәптә эшли, иҗат ялкынында януын дәвам итә, хәзер инде шигырь язу серләренә укучыларны да өйрәтә, аның укучылары иҗади бәйгеләрдә бүләкле урыннар ала.
Гөлназ Гафарова — иҗат­ка кечкенәдән гашыйк кеше. Бала чагыннан ук күп укый, үзе дә бик иртә каләм тибрәтә башлый. Шигырьләре күп, аларның берничәсенә авылдашы, композитор Илдар Мәгъдәнов көй язган. Гөлназ — бик күп иҗади бәйгеләр җиңүчесе. Бөтендөнья татар конгрессы Башкарма комитеты һәм Татарстан Язучылар берлеге үткәргән “Татар җәм­гыятендә хатын-кызның тоткан урыны” дигән бәйгедә “Эссе” номинациясендә дәртләндерү бүләгенә лаек булган.
Алга узып шуны да әйтәсе килә: “Районның 85 еллыгына — 85 шигъри юл” дигән бәй­гедә дә нәкъ шушы ике ша­гыйрә җиңүче булды.
Әлеге чарада районның башка шагыйрьләре — Наҗия Басыйрова, Юрий Якубов иҗатына да бәя бирелде. Әй­тергә кирәк, һәркайсының әсәрләре уңай бәяләнде, ә Наҗия Басыйрованы Радик Хәкимҗанов җитлеккән, оста шагыйрә дип атады.
“Түгәрәк өстәл” тәмам­лануга, район җитәкчелеге һәм кунаклар Бөек Ватан сугышында ятып калганнар истәлегенә обелискка чәчәкләр салды, районның истәлекле урыннарын карады.
Марафонның икенче өле­ше район Мәдәният йортында дәвам итте. Биредә “Крас­нокаманың әдәби картасы” төзелгән иде. Район картасында кызыл белән билге­ләнмәгән авыллар юк диярлек, һәр авылда танылган кешеләр туган. Аеруча Яңа Янъегет, Иске Янъегет, Яңа Хаҗи тө­бәкләре андыйларга бай. Краснокама 40-50нче елларда татар-башкорт драма­тургия­сендә тирән эз калдырган драматург Гамир Насрый, танылган каләм остасы Мосаниф Яһүдин, фаҗигале язмышлы шагыйрь Эдуард Мостафин, талантлы каләм иясе Эсфир Яһүдин, шагыйрьләр Гөлил­һам Афзал, Рәмзинә Тимерова, Наҗия Басыйрова, Илдар Гайсин, Люция Газетдинова, мари язучысы Александр Юзыкайн, урыс телендә иҗат итүчеләр Павел Куликов, бертуганнар Иван, Анатолий, Валерий Тетеревлар, бертуган Маргарита һәм Борис Ярославовлар, Игорь Букин, Евгений Назаров, Татьяна Манякина, Зоя Волкова, Людмила Коняхина, Георгий Апрельский (Калегин), Таисия Гусева рай­он­ның әдәби мирасын тулыландыра.
Китапханә, музей хезмәт­кәрләре, тел укытучылары җыелган “түгәрәк өстәл”дә шушы авторлар һәм талантларга бай Краснокама төбәге турында сүз барды.
Әлеге чарада күрше Удмуртия Республикасының Язучылар берлеге рәисе Петр Захаров катнашты. Кичәнең азагында район хакимияте башлыгы урынбасары Фәнүдә Дмитриева тантаналы рәвештә елның символы — Китапны Агыйдел шәһәре башлыгы урынбасары Илмир Ялаловка тапшырды. Арытаба район сәнгать осталары әзерләгән зур концерт булды, сәхнәдән җырлар, шигырьләр яңгы­рады.
“Районның 85 еллыгына — 85 шигъри юл” бәйгесе җи­ңү­челәре Гөлназ Гафарова, Гөлнара Гомәрова, Элина Җиһаншина бүләкләнде. Әле­ге чара Краснокама җиренең талантларга никадәр бай булуын янә бер кабат исбат итте.

...Сүз гомере — калыпта,
Шагыйрь гомере — халыкта”
, —

дип язган иде якташыбыз Эдуард Мостафин. Әдәби марафон халыкның шигъриятне яратуын, шагыйрьләрне зурлавын, мондый чараларны көтеп алуын күрсәтте.






Басып чыгарырга


  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Сез бүген дә сафта!
Сегодня, 17:55 :: Яңалыклар
Сез бүген дә сафта!
Әфганстан - йөрәк ярабыз
Сегодня, 16:11 :: Беркем дә, бернәрсә дә онытылмый!
Әфганстан - йөрәк ярабыз
Калдыклар да файдага ярарлык
Сегодня, 14:15 :: Яңалыклар
Калдыклар да файдага ярарлык
Бирешмә, Сибай!
Вчера, 21:44 :: Җәмгыять
Бирешмә, Сибай!




Новости русской версии сайта



Яңа номер

19 (25323) от 15 февраля 2019


Безгә кушылыгыз

Вступить в нашу группу Вконтакте

Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.

Игътибар итегез

Журнал Тулпар

Антитеррор




Рубрикалар




Материаллар архивы










Печать книг

Безнең иске сайтыбыз

Филиалы ГУП РБ ИД
«Республика Башкортостан»