Владислав Третьяк — безнең “юлаевчы”!
Кызыл Таң
Русский Pdf-версия
Вконтакте facebook facebook Вконтакте Вконтакте
Оештыручылар:
Башкортстан Республикасы
Дәүләт җыелышы - Корылтай,
Башкортстан Республикасы Хөкүмәте
Гәзит сишәмбе, пәнҗешәмбе,
җомга көннәрендә чыга
» » Владислав Третьяк — безнең “юлаевчы”!

30.07: Владислав Третьяк — безнең “юлаевчы”!

Владислав Третьяк —  безнең “юлаевчы”!Башкортстан Башлыгы Рөстәм Хәмитов Республика йортында Русиянең Хоккей федерациясе президенты Владислав Третьяк белән очрашты. Алар төбәктә хоккей спортын үстерү мәсьәләләрен тикшерде.

— Билгеле булуынча, безнең республика — хоккей территориясе. Башкортстанда 20 меңгә якын кеше спортның бу төре белән шөгыльләнә. Бездә 400гә якын — ачык, ясалма боздан эшләнгән 14 ябык хоккей мәйданчыгы бар. Әмма без моның белән генә чикләнмибез һәм арытаба матди нигезне үстерү буенча эш алып барачакбыз, — диде Рөстәм Хәмитов. — Гадиләштерелгән, арзан мәйданчыклар төзү буенча план бар. Алар ачык һавада, әмма кар һәм яңгырдан сакланган булачак. Тиздән мондый төрдәге корылмалар төзи башлаячакбыз.

Республика Башлыгы билгеләвенчә, Башкортстанда профессиональ һәм балалар-үсмерләр спорты актив үсештә. Узган сезонда Русия чемпионатының бронза медаленә лаек булган “Салават Юлаев” хоккей клубы, Хатын-кызлар хоккей лигасының көмеш призеры бул­ган “Агыйдел” һәм Яшьләр хоккей лигасы беренчелеген яулаган “Горняк” командаларының уңышлары яшь спортчылар өчен яхшы үрнәк булып тора.

— Шайбалы хоккей — республика өчен спортның мөһим төре, —дип ассызыклады Рөстәм Хәмитов. — Гыйнварда Уфада Континенталь хоккей лигасының Йолдызлар матчы үтәчәк. Владислав Александрович, безгә Хоккей атнасын үткәрү мәсьәләсендә ярдәм итүегезне сорыйбыз. Беренче чиратта, балалар, үсмерләр, ветераннар ярышларын оештыруда. Шулай ук, бу ярышларда җиңгән балаларны Йолдызлар матчына чакырырга, алар өчен осталык дәресләре үткәрергә телибез.

Владислав Третьяк бу идеяне хуплады һәм тиешле ярдәм күрсәтергә вәгъдә итте.

— Сез планлаштырган Хоккей атнасы — бик яхшы идея. Бәлки, арытаба башка республика, өлкәләрдә шундый ук атналар үткәрү өчен аны сынау варианты буларак файдаланырбыз. Чөнки ул, чынлап та, балаларны, үсмерләрне, үз һөнәр осталарын, ветераннарны берләштерә. Бу хоккейны популярлаштыру өчен бик мөһим, — диде Хоккей федерациясе президенты. — Барлык чараларны да югары дәрәҗәдә үткәрәчәгегезгә шигем юк. Өстәвенә, әлеге вакытта Русия Президенты Владимир Путин хоккейны арытаба үстерү, яңа стадионнар һәм мәйданчыклар төзү бурычы куйды.

Рөстәм Хәмитов, шулай ук, Уфада Балалар-үсмерләр хоккей академиясен булдыру кирәклеген билгеләде.
— Академиясез безгә алга бару авыр булачак, чөнки анда уенчыларны гына түгел, тренерларны да тәрбияләячәкбез. Заман белән бергә атларга кирәк, — диде Владислав Третьяк. — Без бу мәсьәләдә ярдәм итәргә әзер.

***

Арытаба алар “Уфа-Арена” спорт сараенда үтүче “Көярмән көне” бәйрәмендә булды.
— Башкортстан өчен хоккей — мөһим спорт төре. Бездә яхшы командалар бар һәм алар уңышка ирешә. Республикада хоккейның киләчәге бар, чөнки махсус мәктәпләр, балалар коллективлары эшли. Аларның нәтиҗәләре зур булыр, дип ышанам, — диде төбәк җитәкчесе.

Чара барышында Рөстәм Хәмитов һәм Владислав Третьяк “Агыйдел” хоккей клубы спортчыларына — хатын-кызлар командалары арасында Русия чемпионатының көмеш, “Салават Юлаев” хоккейчыларына Контитенталь хоккей лигасы чемпионатының 2015-16 елгы сезонының бронза медальләрен тапшырдылар.

— Мин бүген монда булуыма шат, чөнки бу — тарихи вакыйга. Илнең хоккей тарихында беренче тапкыр ир-атлар һәм хатын-кызлар командаларына Русия чемпионаты медальләрен берьюлы тапшырабыз. Бу — республика җитәкчелеге, командалар һәм көярмәннәр тырышлыгы белән ирешелгән искиткеч уңыш, — диде Владислав Третьяк. — “Салават Юлаев” командасына рәхмәт белдерәм. Алар, уен сезоны авыр булуга карамастан, җиңүгә иреште. Һәм, һичшиксез, бүген без хатын-кызлар командасын тәбриклибез. Биш ел элек мин Рөстәм Зәки улына хатын-кызлар хоккей командасын булдыру тәкъдиме белән мөрәҗәгать иткән идем. Ул бу мәсьәләне тиз арада хәл итте һәм бүген без аларга көмеш медальләр тапшырабыз.

Очрашу ахырында республика җитәкчесе Владислав Третьякка физик культура һәм спорт өлкәсендә күпьеллык фидакарь хезмәте, шулай ук, Башкортстанда шайбалы хоккей үсешенә зур өлеш керткәне өчен Салават Юлаев ордены тапшырды.

— Владислав Александрович безгә һәрчак ярдәм итә, Уфаны ярата. Безнең дуслык дәвам итәр, дип ышанам, — диде Рөстәм Хәмитов. — Хәзер ул — Салават Юлаев ордены кавалеры һәм безнең “юлаевчы”.





Басып чыгарырга



  • Имя:
    E-Mail:


  • Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера

  • Включите эту картинку для отображения кода безопасности
    Введите код:
     
     
    Нажимая на кнопку, вы соглашаетесь с обработкой персональных данных




Уфада Русия чемпионаты үтәчәк!
Сегодня, 16:01 :: Спорт
Уфада Русия чемпионаты үтәчәк!
28 ел Цойсыз...
Сегодня, 15:16 :: Мәдәният һәм сәнгать
28 ел Цойсыз...
Уңыш ничек булыр?
Сегодня, 14:19 :: Икътисад
Уңыш ничек булыр?
Мостай Кәрим әсәрләренең 10нчы томы дөнья күрәчәк
Сегодня, 13:58 :: Мәдәният һәм сәнгать
Мостай Кәрим әсәрләренең 10нчы томы дөнья күрәчәк
Бала тапсаң, бушлай алырсың!
Сегодня, 12:41 :: Яңалыклар
Бала тапсаң, бушлай алырсың!
Безнекеләр тагын да алда!
Сегодня, 12:24 :: Спорт
Безнекеләр тагын да алда!








Новости русской версии сайта

Яңа номер

Вступить в нашу группу Вконтакте


sendmail


Видеоматериаллар

Кызыл тан турында клип


Телепроект Ассамблеи и Дома Дружбы народов Татарстана совместно с ГТРК "Татарстан" - программа "Национальный вопрос и - ответ". Гость студии - главный редактор газеты «Кызыл тан» (Башкортостан) Фаил Фатхтдинов.


ТВ карагыз!

Важная информация

Постановление Правительства РФ от 26.12.2016 N 1498 "О вопросах предоставления коммунальных услуг и содержания общего имущества в многоквартирном доме" в формате PDF




Антитеррор

Антитеррор




Рубрикалар




Материаллар архивы












Печать книг

Безнең иске сайтыбыз

Филиалы ГУП РБ ИД
«Республика Башкортостан»